Hvers virði er Heiðmörkin? - Sæmundarfyrirlestur 2013

 

Dr. Brynhildur Davíðsdóttir hélt Sæmundarfyrirlestur 2013 þann 26. mars 2013. Hún sagði frá rannsóknum á virði Heiðmerkur, sem er nýlokið.

Okkur hættir við að taka ýmsum gæðum náttúrunnar sem sjálfsögðum og
metum þau ekki til fjár, þegar hugað er að verðmæti staða eða kostnaði
vegna framkvæmda.

En það er hægt að meta verðgildi þessara þátta og taka tillit til
þeirra t.d. þegar nýtingarstefna svæða er mótuð. Skortur á hagrænu mati á
fjölþættri þjónustu náttúrunnar leiðir oft til þess að ákvarðanir eru einungis  teknar  á forsendum um hagnað af beinni nýtingu auðlinda, en ekkert tillit tekið til annarra verðmæta sem spillast við þá nýtingu.

Heiðmörkin veitir ýmsa þjónustu s.s. vatn, veiði, við, jólatré og
ber, fjölbreytta möguleika á útivist gangandi, hjólandi, ríðandi,
skíðandi og akandi gesta. Hún veitir skjól og fegurð og mörgum finnst
einber tilvist hennar vera mikils virði. Það er brýnt að finna leiðir
til að meta þessa þætti, þegar ákvarðanir eru teknar um hvernig nýta á
Heiðmörkina.

Heiðmörk er því kjörið viðfangsefni til að rannsaka fjölþætta
þjónustu náttúrunnar og meta hana hagrænt. Slík rannsókn hefur staðið um
árabil og hafa fjölmargir aðilar sameinast um hana. 

Þú ert að nota: brimir.rhi.hi.is