Loftslagsbreytingar og gróðurfar á Íslandi

SÓLEY -- Langtímaáhrif loftslagsbreytinga á plöntur og gróður á Íslandi

Meðal vísindamanna er vart um það deilt lengur að jörðin er að hlýna, aðallega vegna athafna mannsins. Loftslags-breytingar verða líklega mestar á háum breiddargráðum og því er spáð aðframundir miðja 21. öld muni hlýna um ≥0,2°C á áratug áÍslandi.

Fenólógískar breytingar (þ.e. átímasetningu þroskunarfræði- legra atburða), ekki síst í blómgun plantna, eru taldar einn næm-asti líffræðilegi mælikvarðinn á hnattræna hlýnun. Breytingar á blómgunartíma geta haft áhrif á dreifingu auðlinda innan plöntunnar, framlag til vaxtartengdra þátta, samkeppni um frjóbera, skörun á dreifingartíma vinddreifðra frjókorna, afrán á blómum, aldinum og fræjum og breytta nýliðun í kjölfar áhrifa á fræframleiðslu og lífvænleika fræja.

Markmið verkefnisins er að greina og skilja áhrif loftslagsbreytinga á plöntur og gróður á Íslandi. Fyrri hluti verkefnisins, sem snýr að áhrifum á blómgunartíma plantna, hófst sumarið 2009.

Fylgst er með blómgun níu tegunda ávöldum svæðum sem endurspegla breytileika íveðurfari og lengd vaxtartíma. Níu algengar tegundir hafa verið valdar en á hverju svæði verður fylgst með ca. 3 - 9 tegundum. Blómgun er skráð eftir samræmdri aðferðafræði á 3.-4. daga fresti þar til aldinmyndun hefst.

Með verkefninu verður til mikilvægur gagnagrunnur um lífríki Íslands og samanburður fæst við hliðstæðar erlendar rannsóknir. Verkefnið mun skila þekkingu á náttúrufari og þróun þess heim í hérað og verður áhugaverður efniviður í fræðslu t.d. í þjóðgörð-um, í grunn- og framhaldsskólum og fyrir ýmis rannsóknaverkefni á háskólastigi. Þá mun það vekja almenning til umhugsunar um áhrif mannsins á náttúruna.

Samstarf: Háskóli Íslands og Landgræðsla ríkisins

Fjármögnun: Umhverfis - og orkusjóður OR hefur styrkt verkefnið

Verkhópur:
Þóra Ellen Þórhallsdóttir prófessor ígrasafræði
Guðmundur Ingi Guðbrandsson, SSf
Kristín Svavarsdóttir, Landgræðslu ríkisins

Verkefnisstjóri:
Þóra Ellen Þórhalssdóttir, prófessor

Þú ert að nota: brimir.rhi.hi.is